A B C D E F G H I J K L M N O P Q R S T U V W X Y Z

Pattinte Palazhi  -  orumalar manchalumaayi ithile vaa


ഒരു മലർ മഞ്ചവുമായ് ഇതിലേ വാ
മണിമുകിലേ ഇതിലെ
മധുമതി നീ അതിലേറി വാ
മമ സഖീ നവ വധുവായ്

മദകര രാസ കേളിയായ്
മധുവിധു വേളയായ്
സുരഭില യാമമായിതാ
സുമശര ദൂതികേ
ഒരു മലർ മഞ്ചലുമായ്...
ചന്ദന വാനങ്ങളിൽ
ചന്ദ്ര കിരണങ്ങൾ പോൽ
എൻ കരളിൽ നീ കുളിർ പെയ്തുവോ
പിന്നെയും ഓമനെ എൻ കളിത്തോഴിയായ്
പൊന്നിലഞ്ഞി തൻ മലർ കോർത്തു വാ

അന്തി മേഘങ്ങൾ പൂത്ത പോലെയാം
മുന്തിരിത്തോപ്പിൽ വരൂ രാപാർക്കുവാൻ
ദേവദാരുവിൻ തണൽ പൂഞ്ചോട്ടിൽ
ദേവഹംസമായ് കളിയാടാൻ വാ
ഒരു മലർ മഞ്ചലുമായ്...

കല്പതരു മാരനെ പുഷ്പിതലത സഖി
ചാർത്തി അഴകിൻ നവമാലിക
കേട്ടു മധുരാർദ്രമാം നിൻ പ്രണയ മന്ത്രമായ്
കാറ്റിലുതിരും മൃദുമർമ്മരം

കാതരേ പോരൂ കണിപ്പൂചൂടി
കാണാം വീണ്ടും നിലാപ്പൂചൂടി
ചക്രവാകങ്ങൾ ഇണയായ് പാടും
ചൈത്ര തീരങ്ങൾ അണയാം പോരൂ
ഒരു മലർ മഞ്ചലുമായ്...